Sual-Cavab

Line Spacing+- AFont Size+- Çap
Dövlət İmtahan Mərkəzinə sualla müraciət etmək istəyirsinizsə, ilk növbədə, aşağıda göstərilən “Ən çox verilən suallar” bölməsi ilə tanış olun. Sizi maraqlandıran suala cavab bu bölmədə öz əksini tapmayıbsa, təqdim olunan formanı dolduraraq sayt vasitəsilə DİM-ə öz sualınızı təqdim edə bilərsiniz. Sualınıza cavab e-mail ünvanınıza göndəriləcək. 
 

Buraxılış imtahanları

  • Buraxılış imtahanlarında şagirdlərə xarici dil seçimində sərbəstlik verilirmi?
  • 2018-ci ildə IX və XI siniflərin buraxılış imtahanlarında dəyişiklik olacaqmı?
  • 2019-cu ildə IX siniflərin buraxılış imtahanları hansı qaydada həyata keçiriləcək?
  • 2019-cu ildə XI siniflərin buraxılış imtahanları hansı qaydada həyata keçiriləcək?
  • VIII sinifdən məktəbdən çıxmışam. Birbaşa eksternat yolu ilə buraxılış imtahanı verib 11 illik attestat ala bilərəm?
  • IX sinif üzrə buraxılış imtahanında inşa olacaq?
  • Buraxılış imtahanında aşağı nəticə göstərən IX sinif şagirdlərinə attestat verilirmi və onlar təhsillərini X sinifdə davam edə bilirlərmi?

  • Buraxılış imtahanlarında şagirdlərə xarici dil seçimində sərbəstlik verilirmi?
    Şagirdlər buraxılış imtahanında xarici dil fənni kimi məktəbdə tədris olunan və məktəb tərəfindən "Şagird-məzun" elektron məlumat sisteminə daxil edilən xarici dildən imtahan verirlər. Yəni şagirdin buraxılış imtahanında hansı xarici dil fənnindən imtahan verəcəyini oxuduğu təhsil müəssisəsi müəyyən edir.



    2018-ci ildə IX və XI siniflərin buraxılış imtahanlarında dəyişiklik olacaqmı?
    Xeyr, 2018-ci ildə IX və XI siniflərin buraxılış imtahanları 2017-ci ildə olduğu kimi keçiriləcək.

    2019-cu ildə IX siniflərin buraxılış imtahanları hansı qaydada həyata keçiriləcək?
    2019-cu ildə IX siniflərin yekun qiymətləndirilməsi (buraxılış) imtahanlarının yenə də iki mərhələdə, lakin 3 fənn üzrə keçirilməsi nəzərdə tutulur. Hər iki mərhələdə şagirdlərin bilikləri tədris dili, riyaziyyat və xarici dil fənləri üzrə qiymətləndiriləcəkdir. Birinci mərhələdə tədris dili üzrə şagirdlərin oxuyub-anlama və yazı bacarıqlarını yoxlamaq məqsədilə açıq və qapalı tipli tapşırıqlardan, yazı işlərindən, riyazi bacarıqları yoxlamaq məqsədilə isə açıq tipli tapşırıqlardan, xarici dil üzrə də şagirdlərin oxuyub-anlama, dinləyib-anlama və yazı bacarıqlarını yoxlamaq məqsədilə açıq və qapalı tipli tapşırıqlardan, yazı işlərindən istifadə ediləcək. İkinci mərhələdə isə hər bir fənn üzrə qapalı tipli test tapşırıqlarından istifadə olunacaq.

    2019-cu ildə XI siniflərin buraxılış imtahanları hansı qaydada həyata keçiriləcək?
    2019-cu ildə XI siniflərin yekun qiymətləndirilmə (buraxılış) imtahanları yenə də bir mərhələdə – tədris dili, riyaziyyat, xarici dil fənləri üzrə keçiriləcəkdir. Bu mərhələdə şagirdlərin bilikləri yeni təhsil proqramları (kurikulum) əsasında, tələb olunan bacarıq və vərdişlərin yoxlanılması üçün açıq və qapalı tipli tapşırıqlardan istifadə olunmaqla qiymətləndiriləcəkdir.

    VIII sinifdən məktəbdən çıxmışam. Birbaşa eksternat yolu ilə buraxılış imtahanı verib 11 illik attestat ala bilərəm?
    -Xeyr, 11 illik təhsil səviyyəsi üzrə eksternat qaydasında yekun qiymətləndirməyə (attestasiyaya) yalnız 9 illik təhsil səviyyəsini başa vurmuş şəxslər buraxılırlar.

    IX sinif üzrə buraxılış imtahanında inşa olacaq?
    - IX sinif üzrə buraxılış imtahanının birinci mərhələsində şagirdlər, təqdim edilmiş mövzulardan birini seçməklə, könüllülük əsasında inşa (esse) yazırlar. Ümumi orta təhsil haq¬qında fərqlənmə attestatı almaq istəyən şagirdlər üçün inşa (esse) yazmaq məcburidir.

    Buraxılış imtahanında aşağı nəticə göstərən IX sinif şagirdlərinə attestat verilirmi və onlar təhsillərini X sinifdə davam edə bilirlərmi?
    - Bəli, buraxılış imtahanında göstərdiyi nəticədən asılı olmayaraq şagirdlərə attestat verilir və onlar təhsillərini X sinifdə davam edə bilirlər.