AZƏRBAYCAN RESPUBLİKASININ
TƏLƏBƏ QƏBULU ÜZRƏ DÖVLƏT KOMİSSİYASI

bilik qiymətləndirilir

Sual-Cavab

Line Spacing+- AFont Size+- Çap
Tələbə Qəbulu üzrə Dövlət Komissiyasına sualla müraciət etmək istəyirsinizsə, ilk növbədə, aşağıda göstərilən “Ən çox verilən suallar” bölməsi ilə tanış olun. Sizi maraqlandıran suala cavab bu bölmədə öz əksini tapmayıbsa, təqdim olunan formanı dolduraraq sayt vasitəsilə TQDK-ya öz sualınızı təqdim edə bilərsiniz. Sualınıza cavab e-mail ünvanınıza göndəriləcək. 
 

Magistraturaya qəbul

  • Mən Azərbaycan Beynəlxalq Universitetini bitirib diplom almışam. Magistraturaya sənəd vermək üçün Əlavə 1 formalı arayış da təqdim etməliyəm. ABU artıq fəaliyyət göstərmədiyinə görə mən həmin arayışı haradan əldə etməliyəm?
  • Ötən il magistraturaya qəbul elanına əlavə olaraq cədvəl şəklində magistratura üzrə ixtisaslar qrupunun adı verilmişdi. Həmin ixtisaslar qrupuna daxil olan ixtisaslar haqda məlumatı necə öyrənə bilərəm?
  • Əgər ödənişli təhsil forması üzrə Bakı Dövlət Universitetinin magistraturasına daxil olaramsa, məcburi köçkün olduğum üçün ödənişsiz təhsil ala bilərəmmi?
  • Mən bakalavr təhsilimi maliyyə ixtisası üzrə Türkiyə Respublikasında bitirmişəm. Magistr təhsilimi isə Azərbaycanda almaq istəyirəm. Bitirdiyim ixtisasın Azərbaycan Respublikasında tanınması və ekvivalentliyinin müəyyən edilməsi barədə məlumatı haradan və
  • Mənim iki ixtisas üzrə diplomum var. İlk bakalavr ixtisasım regionşünaslıqdır, sonra isə filologiya üzrə təhsil almışam. Bilmək istərdim, mən bu diplomların hər birindən istifadə edə bilərəm?
  • Mən ADPU-nun biologiya ixtisasını bitirmişəm və həmin universitetdə informatika ixtisası üzrə ixtisas¬ar¬tırma kursu keçmişəm. Bilmək istərdim, mən informatika üzrə magistr təhsili ala bilərəmmi?
  • Magistraturaya qəbul üçün yaş həddi məhdudiyyəti varmı?
  • Mən М.Lomonosov adına Moskva Dövlət Universitetinin Bakı filialının 4-cü kurs tələbəsiyəm, ingilis filologiyası ixtisası üzrə rus bölməsində təhsil alıram. Birinci mərhələdə xarici dil kimi rus dilini seçə bilərəmmi?
  • 2012-ci ildə Milli Sertifikat Xidmətləri Mərkəzinin yaşadığım rayonun poçt filialında yerləşən Qeydiyyat Mərkəzindən “Elektron imza” sertifikatı əldə etmişəm. Bu sertifikatla Sənəd Qəbulu Komissiyasına getmədən elektron ərizəmi təsdiq edə bilərəmmi?
  • Mən magistr təhsilimi bu il bitirəcəm. İkinci dəfə magistr təhsili ala bilərəmmi? Bu zaman qəbulda hər hansı güzəşt varmı? Bundan başqa, ilk magistr təhsili aldığım zaman keçdiyim bəzi fənlərdən azad ola bilərəmmi?
  • Mən 2010-cu il məzunuyam. Keçən il universitet tərəfindən verilən arayış formasını (əlavə 1) bu il də sənəd qəbulunda təqdim edə bilərəmmi?
  • Magistratura səviyyəsinə qəbul zamanı diplom qiymətləri nəzərə alınırmı?
  • Hazırda 4-cü kursda oxuyuram. Bir neçə fəndən kəsirim var. Mən imtahanın 1-ci mərhələsində iştirak etmək üçün sənədlərimi təqdim edə bilərəm?
  • Magistratura proqramı üzrə sınaq imtahanı hər iki mərhələ üzrə keçiriləcək? Mən Gəncə şəhərində təhsil alıram. Gəncədə də sınaq imtahanı keçiriləcəkmi?
  • Mən 2010-cu ildə Azərbaycan Dövlət Neft Akademiyasını tətbiqi riyaziyyat ixtisası üzrə fərqlənmə diplomu ilə bitirmişəm. Magistr təhsilini iqtisadiyyat üzrə ala bilərəm?
  • Azərbaycan Dillər Universitetinin tərcümə (ingilis) fakültəsini bitirmişəm. Tədrisi ingilis dilində olan ixtisaslaşmalara qəbul olmaq istəyirəm, mən xarici dil kimi ingilis dilini seçə bilərəmmi?
  • Bakalavr təhsilim ödənişsiz olub. Magistratura təhsilimin ödənişsiz olması imtahan nəticələrindən asılı olacaq?
  • İxtisasım kimya müəllimliyidir. İxtisasıma uyğun gələn magistr ixtisaslaşmalarına qəbul olunmaq üçün neçə bal toplamalıyam?
  • Magistraturaya qəbul imtahanının birinci mərhələsi ərəfəsində əvvəlki illərdə təklif olunan test tapşırıqlarının modelləri ilə tanış olmaq istəyirəm. Ancaq “Magistr” jurnalının həmin sayları artıq satışda yoxdur. Onları necə əldə edə bilərəm?
  • Mənim şəxsiyyət vəsiqəmin istifadə müddəti bitib. Yenisini alana qədər müəyyən vaxt tələb olunur. Əgər sənəd qəbulu başlanana qədər yeni şəxsiyyət vəsiqəsini ala bilməsəm, sənəd qəbulunda iştirak edə bilərəm?
  • Mən keçən il magistraturaya qəbul imtahanında kifayət qədər bal toplasam da, ixtisaslaşma seçimi zamanı kodlaşdırmanı səhv apardığımdan müsabiqədən keçmədim. Belə hallarla üzləşdikdə hara müraciət etməliyik?
  • İxtisasım beynəlxalq münasibətlərdir. Magistr təhsilimi bu ixtisasdan başqa, daha hansı ixtisas üzrə ala bilərəm?
  • Magistraturaya qəbul imtahanının birinci mərhələsində informatika fənnindən düşən test tapşırıqlarında müəyyən terminlər ingilis, yoxsa rus dilində veriləcək?
  • Ali təhsil müəssisəsini əvvəlki illərdə bitirmiş məzun bitirdiyi ixtisasın şifri, orta qiymət balı (5 və ya 100 ballı şkalada), ali təhsil müəssisəsinə daxil olduğu il və abituriyent ərizəsinin nömrəsi göstərilən arayışı haradan və necə əldə etməlidir?
  • ADPU-nun “Məktəbəqədər təlim və tərbiyə” ixtisası üzrə 4-cü kursda oxuyuram. Magistraturada ixtisaslaşma istiqaməti kimi psixologiyanı, yoxsa pedaqogikanı seçə bilərəm?

  • Mən Azərbaycan Beynəlxalq Universitetini bitirib diplom almışam. Magistraturaya sənəd vermək üçün Əlavə 1 formalı arayış da təqdim etməliyəm. ABU artıq fəaliyyət göstərmədiyinə görə mən həmin arayışı haradan əldə etməliyəm?
    Artıq fəaliyyət göstərməyən ali təhsil müəssisələrini bitirən bakalavrlar Əlavə 1 formalı arayışı Azərbaycan Respublikasının Təhsil Nazirliyindən almalıdırlar.

    Ötən il magistraturaya qəbul elanına əlavə olaraq cədvəl şəklində magistratura üzrə ixtisaslar qrupunun adı verilmişdi. Həmin ixtisaslar qrupuna daxil olan ixtisaslar haqda məlumatı necə öyrənə bilərəm?
    Müsabiqə şərtləri elan edilərkən orada göstərilən ixtisas qrupları haqda ətraflı məlumatı Azərbaycan Respublikası Nazirlər Kabinetinin Ali təhsilin magistratura səviyyəsi üzrə ixtisasların (ixtisaslaşmaların) təsnifatına dair təsdiq etdiyi 14 iyun 2011-ci il tarixli, 95 №li qərarından öyrənə bilərsiniz

    Əgər ödənişli təhsil forması üzrə Bakı Dövlət Universitetinin magistraturasına daxil olaramsa, məcburi köçkün olduğum üçün ödənişsiz təhsil ala bilərəmmi?
    Məcburi köçkünlər təhsil haqqının ödənilməsi ilə bağlı məlumatı Azərbaycan Respublikası Qaçqınların və Məcburi Köçkünlərin İşləri üzrə Dövlət Komitəsinə müraciət etməklə öyrənə bilərlər.

    Mən bakalavr təhsilimi maliyyə ixtisası üzrə Türkiyə Respublikasında bitirmişəm. Magistr təhsilimi isə Azərbaycanda almaq istəyirəm. Bitirdiyim ixtisasın Azərbaycan Respublikasında tanınması və ekvivalentliyinin müəyyən edilməsi barədə məlumatı haradan və
    Bu haqda məlumatı Təhsil Nazirliyinin müvafiq struktur bölməsinə müraciət etməklə öyrənə bilərsiniz.

    Mənim iki ixtisas üzrə diplomum var. İlk bakalavr ixtisasım regionşünaslıqdır, sonra isə filologiya üzrə təhsil almışam. Bilmək istərdim, mən bu diplomların hər birindən istifadə edə bilərəm?
    Seçiminizdən asılı olaraq qeyd etdiyiniz hər bir ixtisas üzrə diplomunuzu təqdim etməklə həmin ixtisaslara uyğun gələn ixtisaslaşmalardan yalnız biri üzrə magistr təhsili ala bilərsiniz.

    Mən ADPU-nun biologiya ixtisasını bitirmişəm və həmin universitetdə informatika ixtisası üzrə ixtisas¬ar¬tırma kursu keçmişəm. Bilmək istərdim, mən informatika üzrə magistr təhsili ala bilərəmmi?
    Magistraturaya ixtisasartırma kursunu bitirdiyiniz istiqamət üzrə deyil, bitirdiyiniz bakalavr ixtisasına uyğun istiqamət üzrə sənəd verə bilərsiniz.

    Magistraturaya qəbul üçün yaş həddi məhdudiyyəti varmı?
    Qəbul qaydalarına əsasən, Azərbaycanın ali təhsil müəssisələrinin magistratura səviyyəsinə qəbul olunmaq istəyən vətəndaşlar üçün hər hansı yaş məhdudiyyəti tətbiq olunmur.

    Mən М.Lomonosov adına Moskva Dövlət Universitetinin Bakı filialının 4-cü kurs tələbəsiyəm, ingilis filologiyası ixtisası üzrə rus bölməsində təhsil alıram. Birinci mərhələdə xarici dil kimi rus dilini seçə bilərəmmi?
    Qəbul qaydalarına görə, rus bölməsini bitirib ingilis filologiyası ixtisaslaşmasını seçənlər birinci mərhələdə xarici dil kimi yalnız alman və ya fransız dillərini seçə bilərlər. Əgər Siz Azərbaycan bölməsində təhsil almaq istəsəniz, imtahanı Azərbaycan dilində verməklə rus dilini xarici dil kimi seçə bilərsiniz.

    2012-ci ildə Milli Sertifikat Xidmətləri Mərkəzinin yaşadığım rayonun poçt filialında yerləşən Qeydiyyat Mərkəzindən “Elektron imza” sertifikatı əldə etmişəm. Bu sertifikatla Sənəd Qəbulu Komissiyasına getmədən elektron ərizəmi təsdiq edə bilərəmmi?
    Milli Sertifikat Xidmətləri Mərkəzinin istənilən qeydiyyat mərkəzlərindən birindən “Elektron imza” sertifikatını əldə etmiş bakalavrlar həmin sertifikatlarından istifadə etməklə “Bakalavrın elektron ərizəsi” formasını Sənəd Qəbulu Komissiyasına müraciət etmədən özləri təsdiq edə bilərlər.

    Mən magistr təhsilimi bu il bitirəcəm. İkinci dəfə magistr təhsili ala bilərəmmi? Bu zaman qəbulda hər hansı güzəşt varmı? Bundan başqa, ilk magistr təhsili aldığım zaman keçdiyim bəzi fənlərdən azad ola bilərəmmi?
    Bakalavrların magistr təhsili almasına hər hansı say məhdudiyyəti qoyulmamışdır. Bu o deməkdir ki, Siz ikinci magistr təhsili ala bilərsiniz. Amma ikinci magistr təhsilinə qəbulda hər hansı güzəşt yoxdur. Təkrar tədris olunan fənlərlə bağlı sualınıza gəldikdə isə, bu haqda məlumatı qəbul olacağınız ali təhsil müəssisəsindən ala bilərsiniz.

    Mən 2010-cu il məzunuyam. Keçən il universitet tərəfindən verilən arayış formasını (əlavə 1) bu il də sənəd qəbulunda təqdim edə bilərəmmi?
    Əvvəlki illərin məzunu olan bakalavrların statuslarında heç bir dəyişiklik olmadığına görə yenisini almadan həmin arayışı təqdim edə bilərlər.

    Magistratura səviyyəsinə qəbul zamanı diplom qiymətləri nəzərə alınırmı?
    Bəli, müsabiqə zamanı ümumi balı eyni olan iki və daha çox bakalavrı fərqləndirmək üçün bakalavriat səviyyəsi üzrə orta qiymət balı ikinci əsas göstərici kimi nəzərə alınır.

    Hazırda 4-cü kursda oxuyuram. Bir neçə fəndən kəsirim var. Mən imtahanın 1-ci mərhələsində iştirak etmək üçün sənədlərimi təqdim edə bilərəm?
    Sənədlərinizi təqdim edib imtahanda iştirak edə bilərsiniz. Ancaq müsabiqədən keçəcəyiniz təqdirdə, müvafiq ali təhsil müəssisəsində qeydiyyatdan keçənə qədər akademik borclarınızı ləğv etməlisiniz. Əks halda, qeydiyyatdan keçə bilmədiyinizə görə magistraturaya qəbul olmayacaqsınız.

    Magistratura proqramı üzrə sınaq imtahanı hər iki mərhələ üzrə keçiriləcək? Mən Gəncə şəhərində təhsil alıram. Gəncədə də sınaq imtahanı keçiriləcəkmi?
    Sınaq imtahanı ancaq birinci mərhələnin proqramı üzrə keçiriləcək. Bu imtahanın Gəncə şəhərində də keçirilməsi nəzərdə tutulur.

    Mən 2010-cu ildə Azərbaycan Dövlət Neft Akademiyasını tətbiqi riyaziyyat ixtisası üzrə fərqlənmə diplomu ilə bitirmişəm. Magistr təhsilini iqtisadiyyat üzrə ala bilərəm?
    Siz iqtisadiyyat yönümlü magistr təhsilini ancaq MBA proqramı çərçivəsində ala bilərsiniz.

    Azərbaycan Dillər Universitetinin tərcümə (ingilis) fakültəsini bitirmişəm. Tədrisi ingilis dilində olan ixtisaslaşmalara qəbul olmaq istəyirəm, mən xarici dil kimi ingilis dilini seçə bilərəmmi?
    Bəli seçə bilərsiniz. Tədrisi ingilis dilində olan ixtisaslaşmaları seçən bakalavrlar xarici dil kimi elə ingilis dilini seçməlidirlər.

    Bakalavr təhsilim ödənişsiz olub. Magistratura təhsilimin ödənişsiz olması imtahan nəticələrindən asılı olacaq?
    Hər kəsin təhsil səviyyələrinin hər birində bir dəfə dövlət sifarişi əsasında təhsil almaq hüququ var. Siz də dövlət sifarişli yerlərin müsabiqəsində iştirak edib qəbul olsanız, magistraturada da ödənişsiz təhsil ala bilərsiniz.

    İxtisasım kimya müəllimliyidir. İxtisasıma uyğun gələn magistr ixtisaslaşmalarına qəbul olunmaq üçün neçə bal toplamalıyam?
    TQDK magistraturaya qəbul imtahanının həm birinci, həm də ikinci mərhələsi üçün minimum müsabiqə şərtlərini müəyyənləşdirir. Ayrı-ayrı ixtisaslaşmalara qəbul zamanı isə keçid balları imtahan verən bakalavrların topladıqları ballara və müsabiqə nəticələrinə əsasən formalaşır. Odur ki, bu haqda hər hansı proqnoz vermək mümkün deyildir. Bununla belə, əvvəlki illərə aid keçid balları ilə tanış olmaq üçün “Magistr” jurnalının 2011 və 2012-ci illərə aid 5-ci saylarını TQDK-nın rəsmi internet saytındakı - www.tqdk.gov.az/ejurnal linkindən əldə edə bilərsiniz

    Magistraturaya qəbul imtahanının birinci mərhələsi ərəfəsində əvvəlki illərdə təklif olunan test tapşırıqlarının modelləri ilə tanış olmaq istəyirəm. Ancaq “Magistr” jurnalının həmin sayları artıq satışda yoxdur. Onları necə əldə edə bilərəm?
    Siz “Magistr” jurnalının əvvəlki illərdə nəşr olunmuş saylarının elektron variantlarını plastik kartla ödəniş etməklə TQDK-nın rəsmi internet saytındakı - www.tqdk.gov.az/ejurnal linkindən əldə edə bilərsiniz.

    Mənim şəxsiyyət vəsiqəmin istifadə müddəti bitib. Yenisini alana qədər müəyyən vaxt tələb olunur. Əgər sənəd qəbulu başlanana qədər yeni şəxsiyyət vəsiqəsini ala bilməsəm, sənəd qəbulunda iştirak edə bilərəm?
    Elektron ərizə doldurularkən müddəti keçmiş vəsiqə ilə bağlı problemlə üzləşməmək üçün şəxsiyyət vəsiqənizi sənəd qəbulu başlayana qədər dəyişdirməyinizi tövsiyə edirik. Əgər şəxsiyyət vəsiqənizi sənəd qəbulundan sonra dəyişdirsəniz, mütləq yeni şəxsiyyət vəsiqənizi götürüb TQDK-ya gələrək düzəliş ərizəsi yazmalısınız.

    Mən keçən il magistraturaya qəbul imtahanında kifayət qədər bal toplasam da, ixtisaslaşma seçimi zamanı kodlaşdırmanı səhv apardığımdan müsabiqədən keçmədim. Belə hallarla üzləşdikdə hara müraciət etməliyik?
    Qəbul qaydalarına əsasən, ixtisaslaşmaların və onların ardıcıllığının seçiminə görə bakalavr bilavasitə özü məsuliyyət daşıyır. Buna görə də ixtisaslaşma seçimi edən bakalavrlar çox diqqətli olmalıdırlar. Bununla belə, bakalavr ixtisaslaşma seçimi başa çatana qədər öz seçimində dəyişiklik etmək üçün TQDK-ya şəxsən müraciət etməklə ərizəsində düzəliş edə bilər.

    İxtisasım beynəlxalq münasibətlərdir. Magistr təhsilimi bu ixtisasdan başqa, daha hansı ixtisas üzrə ala bilərəm?
    Siz təhsilinizi ixtisasınızdan əlavə, “Regionşünaslıq”, “Fəlsəfə”, “Politologiya”, “Sosiologiya”, “Jurnalistika” istiqamətlərindən istənilən biri üzrə davam etdirə bilərsiniz. Bundan başqa, MBA proqramına daxil olan idarəetmə və iqtisadiyyat yönümlü ixtisaslaşmalardan birində də təhsil ala bilərsiniz.

    Magistraturaya qəbul imtahanının birinci mərhələsində informatika fənnindən düşən test tapşırıqlarında müəyyən terminlər ingilis, yoxsa rus dilində veriləcək?
    Əgər Windows və Office proqramlarının menyuları və onlara aid əmrləri nəzərdə tutursunuzsa, test tapşırıqlarında onlar həm rus, həm də ingilis dilində verilir.

    Ali təhsil müəssisəsini əvvəlki illərdə bitirmiş məzun bitirdiyi ixtisasın şifri, orta qiymət balı (5 və ya 100 ballı şkalada), ali təhsil müəssisəsinə daxil olduğu il və abituriyent ərizəsinin nömrəsi göstərilən arayışı haradan və necə əldə etməlidir?
    Sənəd qəbulu başlayanda internet saytımızda həmin arayış forması yerləşdiriləcək. Məzun həmin arayışı çap etməli, bitirdiyi ali təhsil müəssisəsinə getməli və həmin arayış orada doldurulub imzalandıqdan sonra onu tələb olunan digər sənədlərlə birlikdə müvafiq Sənəd Qəbulu Komissiyasına təqdim etməlidir.


    ADPU-nun “Məktəbəqədər təlim və tərbiyə” ixtisası üzrə 4-cü kursda oxuyuram. Magistraturada ixtisaslaşma istiqaməti kimi psixologiyanı, yoxsa pedaqogikanı seçə bilərəm?
    Mövcud ixtisaslaşma seçimi cədvəlinə əsasən (cari ilin ixtsaslaşma seçimi cədvəli “”Magistr” jurnalının 3-cü sayında elan ediləcəkdir), Sizin ayrı-ayrılıqda hər iki istiqaməti seçmək hüququnuz vardır. Amma bu istiqamətlərin aid olduğu proqramlardan yalnız birini seçə bilərsiniz.