AZƏRBAYCAN RESPUBLİKASININ
TƏLƏBƏ QƏBULU ÜZRƏ DÖVLƏT KOMİSSİYASI

bilik qiymətləndirilir

Sual-Cavab

Line Spacing+- AFont Size+- Çap
Tələbə Qəbulu üzrə Dövlət Komissiyasına sualla müraciət etmək istəyirsinizsə, ilk növbədə, aşağıda göstərilən “Ən çox verilən suallar” bölməsi ilə tanış olun. Sizi maraqlandıran suala cavab bu bölmədə öz əksini tapmayıbsa, təqdim olunan formanı dolduraraq sayt vasitəsilə TQDK-ya öz sualınızı təqdim edə bilərsiniz. Sualınıza cavab e-mail ünvanınıza göndəriləcək. 
 

Ümumi orta (9-illik) və tam orta (11 illik) təhsil bazasında kolleclərə qəbul

  • Orta məktəbin 9-cu və ya 11-ci sinfini cari ildə bitirən şəxslər üçün kolleclərə qəbul qaydaları necədir?
  • Orta məktəbin rus bölməsini bitirirəm. Amma kollecə qəbul zamanı ərizəmdə Azərbaycan bölməsinin ixtisas kodlarını göstərmək istəyirəm. Bu mümkündürmü?
  • Mən orta məktəbin 11-ci sinfini keçən il bitirmişəm, məktəbdə alman dili keçmişəm. Bu, attestatda da göstərilib. Ancaq ingilis dilini daha yaxşı bilirəm. Kolleclərə qəbul imtahanında xarici dil kimi ingilis dilini seçə bilərəm, yoxsa mütləq attestatımda
  • Mövcud qaydalara əsasən tam orta təhsil (11-illik) bazasında kolleclərə qəbul buraxılış imtahanının nəticəsi əsasında aparılır. Bəs əvvəlki illərin məzunları əvvəlki qaydada ali təhsil müəssisələrinə qəbul imtahanında iştirak edib topladıqları bala əsasən
  • Orta məktəbin 9-cu və ya 11-ci sinfini əvvəlki illərdə bitirən şəxslər üçün kolleclərə qəbul qaydaları necədir?
  • 9-illik təhsil bazasında kolleclərə müsabiqə zamanı şəhadətnamədəki qiymətlər necə nəzərə alınır?
  • Kolleclərə müsabiqə zamanı ballar hansı qaydaya uyğun hesablanacaq və ixtisas seçiminə hansı abituriyentlər buraxılacaq?

  • Orta məktəbin 9-cu və ya 11-ci sinfini cari ildə bitirən şəxslər üçün kolleclərə qəbul qaydaları necədir?
    Ümumi orta (9-illik) təhsil səviyyəsini Azərbaycan Respublikasının ümumi təhsil müəssisələrində cari ildə bitirən abituriyentlər kolleclərə ayrıca qəbul imtahanı vermirlər və müsabiqədə buraxılış imtahanında ana dili və riyaziyyat fənlərindən əldə etdikləri nəticələr əsasında iştirak edirlər.
    Tam orta (11-illik) təhsil səviyyəsini Azərbaycan Respublikasının ümumi təhsil müəssisələrində cari ildə bitirən abituriyentlər də kolleclərə ayrıca qəbul imtahanı vermirlər və müsabiqədə buraxılış imtahanında ana dili, riyaziyyat və xarici dil fənlərindən əldə etdikləri nəticələr əsasında iştirak edirlər.
    Həm cari ilin, həm əvvəlki illərin məzunları ərizə qəbulunda iştirak etməlidirlər. Ərizə qəbulunun vaxtı haqqında məlumat saytda yerləşdirilmişdir (bax. “İmtahanların və tədbirlərin tarixləri”).


    Orta məktəbin rus bölməsini bitirirəm. Amma kollecə qəbul zamanı ərizəmdə Azərbaycan bölməsinin ixtisas kodlarını göstərmək istəyirəm. Bu mümkündürmü?
    Orta ixtisas təhsili müəssisələrinə (kolleclərə) sənəd verən abituriyentlər:
    - orta məktəbi cari ildə bitirdikləri təqdirdə müsabiqədə buraxılış imtahanının nəticəsi əsasında iştirak etdiklərinə görə orta məktəbi hansı bölmə üzrə bitirirlərsə həmin bölmə üzrə də buraxılış imtahanı verir və həmin bölmə (Azərbaycan və ya rus) üzrə də kolleclərin ixtisas seçimində iştirak edirlər;
    - orta məktəbi əvvəlki illərdə bitirdikləri təqdirdə - orta məktəbdə hansı dildə təhsil almasından asılı olmayaraq kolleclərə sənəd verərkən istədiyi bölməni (imtahan verəcəyi dili) - Azərbaycan və ya rus, seçə bilər. Bu zaman onlar seçdiyi bölmədə qəbul imtahanlarında iştirak etməli və ixtisas seçimi ərizəsində həmin bölməyə aid olan ixtisasların kodlarını qeyd etməlidirlər;
    - cari ilin məzunları - təlim ingilis və ya gürcü dilində olan məktəblərin məzunları - orta ixtisas təhsili müəssisələrinə qəbul olmaq üçün ərizə təqdim etdikləri halda buraxılış imtahanında riyaziyyat (11-ci siniflər – riyaziyyat və xarici dil) fənni ilə yanaşı ərizədə qeyd etdikləri bölməyə uyğun olaraq Azərbaycan dili və ya rus dili fənnindən də imtahan verirlər.


    Mən orta məktəbin 11-ci sinfini keçən il bitirmişəm, məktəbdə alman dili keçmişəm. Bu, attestatda da göstərilib. Ancaq ingilis dilini daha yaxşı bilirəm. Kolleclərə qəbul imtahanında xarici dil kimi ingilis dilini seçə bilərəm, yoxsa mütləq attestatımda
    göstərilən xarici dil fənni üzrə imtahan verməliyəm?

    Orta ixtisas təhsil müəssisələrinə (kolleclərə) 11-illik təhsil bazasında sənəd verən abituriyentlər:
    - Orta məktəblərin cari il məzunları - müsabiqədə buraxılış imtahanının nəticəsi əsasında iştirak etdiklərinə görə orta məktəbdə hansı xarici dil tədris olunursa həmin dil üzrə də buraxılış (qəbul) imtahanı verirlər;
    - Orta məktəbləri əvvəlki illərdə bitirən məzunlar - orta məktəbdə hansı xarici dili keçməsindən asılı olmayaraq qəbul elanında göstərilən bu və ya digər xarici dildən imtahan verə bilər. Bir şərtlə ki, abituriyent ərizə formasını doldurarkən orada imtahan vermək istədiyi xarici dili qeyd etmiş olsun.


    Mövcud qaydalara əsasən tam orta təhsil (11-illik) bazasında kolleclərə qəbul buraxılış imtahanının nəticəsi əsasında aparılır. Bəs əvvəlki illərin məzunları əvvəlki qaydada ali təhsil müəssisələrinə qəbul imtahanında iştirak edib topladıqları bala əsasən
    kolleclərin müsabiqəsində iştirak edə bilərlərmi?
    Xeyr. Tam orta (11-illik) təhsil bazasında orta ixtisas təhsili müəssisələrinə qəbul olmaq istəyən əvvəlki illərin məzunları buraxılış imtahanına uyğun qaydada ayrıca qəbul imtahanı verməli və müsabiqədə bu imtahanın nəticələri əsasında iştirak etməlidirlər.

    Orta məktəbin 9-cu və ya 11-ci sinfini əvvəlki illərdə bitirən şəxslər üçün kolleclərə qəbul qaydaları necədir?
    Ümumi orta (9-illik) təhsil səviyyəsini əvvəlki illərdə Azərbaycanda bitirən və ya xaricdə yerləşən təhsil müəssisələrini cari və əvvəlki illərdə bitirən abituriyentlər müsabiqədə iştirak etmək üçün ana dili və riyaziyyat fənlərindən qəbul imtahanı verirlər.
    Tam orta (11-illik) təhsil səviyyəsini əvvəlki illərdə Azərbaycanda bitirən və ya xaricdə yerləşən təhsil müəssisələrini cari və əvvəlki illərdə bitirən abituriyentlər müsabiqədə iştirak etmək üçün ana dili, riyaziyyat və xarici dil fənlərindən qəbul imtahanı verirlər.


    9-illik təhsil bazasında kolleclərə müsabiqə zamanı şəhadətnamədəki qiymətlər necə nəzərə alınır?
    Müsabiqə abituriyentin qəbul (buraxılış) imtahanında topladığı ümumi bal əsasında aparılır.
    Müsabiqə zamanı ümumi balı eyni olan iki və daha çox abituriyenti bir-birindən fərqləndirmək məqsədilə aşağıda qeyd edilən ardıcıllıqda əlavə göstəricilərdən istifadə edilir.
    - şəhadətnaməyə "Azərbaycan dili" (təlim Azərbaycan dilində olan məktəblərdə), "Rus dili" (təlim rus dilində olan məktəblərdə), “Gürcü dili” (təlim gürcü dilində olan məktəblərdə), “Ədəbiyyat”, "Xarici dil", "Riyaziyyat", "Azərbaycan tarixi", "Ümumi tarix", "Fizika", "Kimya","Biologiya", "Coğrafiya" fənləri üzrə yazılmış yekun qiymətlərin ədədi ortası;
    - qəbul (buraxılış) imtahanında ana dili fənni üzrə toplanılan balın miqdarı.


    Kolleclərə müsabiqə zamanı ballar hansı qaydaya uyğun hesablanacaq və ixtisas seçiminə hansı abituriyentlər buraxılacaq?
    Qəbul (buraxılış) imtahanının hər bir fənni üzrə abituriyentin balları hesablandıqda hər düzgün cavab 1 balla qiymətləndirilir. Abituriyentin ümumi balı hər bir fənn üzrə topladığı balların cəmi əsasında müəyyənləşir və toplanıla bilən maksimal bal müvafiq olaraq 60-a (9-illik baza üzrə) və 90-a (11-illik baza üzrə) bərabər olur. Səhv cavablar doğru cavablara təsir etmir.